नेपालका सन्त महन्त सबै एक ठाउँमा उभिए हिन्दु राष्ट्र आउछ

सृजना अर्याल
पुष १३ ,गुञ्जनगर
अन्तराष्ट्रिय आध्यात्मिक वक्ता डा .चिन्तामणि योगीले गुरुकुलीय शिक्षाले विश्वको गुरु बन्न सकिने बताउनु भयो , पश्चिम चितवनमा रहेको श्री परमानन्द स्मृति वैदिक विद्याभवन गुरुकुलमा आइतवार आयोजित वर्तमानमा आध्यात्मिक शिक्षाको महत्व एवं गुरुकुल सञ्चालकहरुको भेला विषयक कार्यक्रमलाई सम्बोधन गर्दै उहाँले यस्तो बताउनु भएको हो । सो अवसरममा सस्कृत जान्न सकिएन भने वैज्ञानिक बन्न नसकिने भन्दै उहाँले देव भाषा सस्कृत विश्व भाषा भएको धारणा राख्नु भयो । उहाँले गुरुकुलमा महर्षि वैदिक प्रतिष्ठानको रुद्धाभिषेक चलाउन सहयोग गर्ने बताउदै सबैलाई संस्कृत पढाउन र पढ्न आग्रह गर्नुभयो । उहाँले चितवनमा मात्र ५ कठ्ठामा गुरुकुल सञ्चालन गर्दा समस्या हुने भन्दै गुरुकुलको क्षेत्रफल बढाउन लाग्नुपर्ने समेत बताउनु भयो ।
ज्ञानविज्ञान प्रतिष्ठान मालुङगा स्याङजाका संस्थापक अध्यक्ष एवं आध्यिात्मिक प्रवचक चैतन्य कृण्णले वैदिक धर्म सस्कृतिको संरक्षण स्थानिय गाई विना नहुने बताउनु भयो । उहाँले नेपालका सन्त महन्त सबै एक ठाउँमा उभिएर हिन्दु राष्ट्रको अभियानमा जुट्ने हो भने हिन्दु राष्ट्र ल्याउन सकिने विचार राख्नु भयो । सो अवसरमा शास्त्रमा रहेका विमानका कथा मात्र होइन हामीले विमान बनाउने तर्फ लाग्नुपर्ने भन्दै गुरुकुल शिक्षाले नै शास्त्रहरुको महिमा बढ्ने बताउनु भयो ।

कार्यक्रममा उपस्थित संस्कृत विश्वविद्यालय वाराणासीका पुर्व प्राध्यापक स्वामी जगन्नाथार्चायले सनातनताको पनि विकास हुन्छ भन्दै वैदिक सनातन धर्मका प्राचिन परम्पराहरुलाई समयाकुुल बनाउन सकिने बताउनु भयो ।

चितवन पश्चिम क्षेत्रका क्षेत्रिय अध्यक्ष जगन्नाथ कण्डेलको अध्यक्षतामा भएको सो कार्यक्रमका प्रमुख अतिथी वैदिक धर्म परिषद् नेपालका केन्द्रिय अध्यक्ष लोकनाथ खराल हुनुुहुन्यो ।
कार्यक्रममा गुज्जनगर निवासी हाल अमेरिका रहनुभएका नेपालमा पहिलो साइवर क्राइममा विद्यावारिधी गर्नुहुने डा रामहरि सुवेदीले २ थान कम्पुटर का साथै १ लाख ५० हजार सहयोग गर्नु भएको छ, यसैगरि त्यस्तै किल्निक नेपालका सञ्चालनक राम बहादुर भण्डारीले पनि गुरुकुललाई ६० हजार रकम सहयोग गर्नु भएको छ ।
कार्यक्रममा युवा समाजसेवी डा. रामहरि सुवेदी ,वैदिक धर्म परिषद्का केन्द्रिय सहसचिव हरि कण्डेल, केन्द्रिय सदस्य पार्वती भण्डारी,गुरुकुल विद्यालय व्यवस्थापन समितीका अध्यक्ष मुक्तिनाथ ढकाल , , लगायतले मन्त्वय दिनु भएको थियो ।।। २०५४ सालमा स्थापना भएको गुरुकुलमा हाल ३५ जना विद्यार्थीहरु आवाशिय सुविद्याका साथ अध्यन गरिरहेका छन् । गुरुकुलमा हाल कक्षा ६ देखि ९ सम्म अध्यापन भइरहेको विद्यालयका लागि प्रार्चाय ज्ञान प्रसाद भुर्तेल जानकारी दिनुभयो
ु