जानकी मन्दिरमा जानकी नवमी पर्व यस वर्ष भने धुमधामले नमनाउने

जनकपुरधाम ,१७, वैशाख । नेपालको प्रसिद्ध धार्मिक तथा ऐतिहासीक भुमी जनकपुरधामको जानकी मन्दिरमा विगतमा भव्यताका साथ मनाइदै आएको जानकी नवमी पर्व यस वर्ष भने धुमधामले नमनाउने जानकी मन्दिरले भएको छ । विश्वभर महामारीको रुपमा फैलिरहेको कोरोना भाइरस (कोभिड–१९) को जोखिमबाट जोगिन नेपाल सरकारले गरेको वन्दावन्दी (लकडाउन ) कारण यस वर्षको जानकी नवमी पर्व समेत विगतको जस्तै धुमधामले नमनाउने जानकी मन्दिर समितीले जनाएको हो । नेपाल सरकारले लगाएको लकडाउनको पालना गर्दै जानकी नवमीको अवसरमा यस वर्ष कुनै प्रकारको उत्सव नगरिने जानकी मन्दिरका महन्थ रामरोशन दासले बताउनु भयो । उहाँका अनुसार  विगतका वर्षमा जस्तो धुमधाम नभएपनि नवमीका अवसरमा गरिने पुजाँ विधिमा भने सबै गरिने र गरिदै आएको उहाँले प्रकास पार्नुभयो । उहाँले यस वर्ष मन्दिर भित्रै जानकी जन्मोत्सवको अवसरमा ९ दिनसम्म पूजा अराधना गरिने महन्थ दासले बताउनु भयो । उहाँले गत वैशाख १२ गते प्रतिपदाको दिन घटस्थापना गरि प्रत्येक साझँ मन्दिरमा आरती गरिरहेको जनाउनु भयो । सो आरती ९ दिनसम्म नै गरिने र आरतीको सामाजीक सञ्जाल र सञ्चार माध्यबाट समेत लाईव प्रसारण पनि गरिरहेको महन्थ दासले बताउनु भयो । यस वर्ष वैशाख २० गते जानकी नवमी परेको छ । महन्थ दासले विश्वभरी कोरोना महामारी फैलिएकोले यस वर्षको जानकी नवमीका दिन साझँ ७ बजे सबैले घर घरमै विशेष आरती गर्न तथा दिपोत्सव गर्न आग्रह गरेका गर्नुभएको छ । अन्य वर्षमा यतिबेला जनकपुरधामको प्रसिद्ध धार्मिक स्थल जानकी मन्दिर दुलहीझैँ सजाइएको हुन्थ्यो । रङ्गीचङ्गी बिजुलीबत्ती र मनमोहक फूलहरूले मन्दिरलाई झकिझकाउ पारिन्थ्यो । बिहान र साँझ श्रद्धालु भक्तजनहरू भीड लाग्थ्यो । मन्दिरमा जन्मोत्सवमा गाउने गीत गाइन्थ्यो । देश विदेशका साधुसन्तको आगमनले मन्दिर भरिभराउ हुन्थ्योl यस वर्ष भने त्यस्तो विगतको जस्तो नत मन्दिरमा भव्य सजावट गरिएको छ ,नत साधुसन्त देशविदेशबाट आउन थालेका छन् मन्दिरका स्थानियहरु समेत घरममा नै बसेर वैशाख १२ गते देखि साझँ मा आरती गरि जानकी मातालाई सम्झिएका छन् । जानकी भगवानको जन्म नेपालको जनकपुरमा त्रेतायुगमा भएको थियो । उहाँको विवाह भारत अया्ध्याका नरेश राम भगवान सगँ भएको थियो । उहाँले भौतिक आफ्नो भौतिक देह भने चितवनको वाल्मिीकी आश्रमको धर्तिमा नै समाहित गर्नुभएको शास्त्रमा उल्लेख गरिएको छ । सो आश्रममा अहिले पनि लवकुश ले खेलेका , सीता भगवानले पानी भर्ने कुवाँ लगात उहाँले पातल (धर्ति) प्रवेश गरेको भन्ने विभिन्न परातात्विक महत्वका अवशेषहरु देख्न पाहिन्छ